教授話您知：減肥同時營養要均衡

大家經常將減肥掛喺嘴邊

但坊間嘅減肥方法有千百種

究竟邊個最有效呢？

其實冇咁複雜

減肥最關鍵就係調節能量嘅攝取同消耗

一方面係控制或者減少卡路里嘅攝取

另一方面係透過運動去消耗能量

淨係節食唔做運動又得唔得？

減肥要如何管理飲食？

相信以下五個重要嘅理念

可以幫到您

1增加運動量

運動可以消耗體內脂肪

同時增加肌肉量

肌肉量對減肥好重要㗎

同樣重量嘅情況下

肌肉每日消耗熱量係脂肪嘅六倍

增加肌肉量仲可以提高基礎代謝

愈減愈健康

而如果淨係用節食

減少卡路里嘅攝取

雖然可以減重

但係肌肉減少

會引致強烈飢餓感

長期對健康影響較大

2攝取足夠嘅蛋白質

除咗運動

我哋都好需要飲食嘅智慧

其中必不可少嘅係蛋白質

蛋白質係生命物質嘅基礎

參與組成人體嘅肌肉、骨骼、

毛髮、皮膚

亦係酶、血液、

抗體、激素嘅重要成分

當我哋增加運動

對蛋白質嘅需求量亦會增加

所以為咗身體健康

特別係肌肉嘅健康

減肥唔好減少蛋白質攝取量呀

根據美國推薦膳食攝取量(RDA)

每公斤體重每日需要至少攝取

0.8克蛋白質

康寶萊亦建議成人嘅蛋白質

攝取佔總攝取能量嘅30%

3選擇有飽腹感嘅食物

好多人話減肥就要食少啲

但飢餓感經常令人放棄減重

要堅持到底

就最好選擇有飽腹感嘅食物喇！

例如大豆蛋白

大豆蛋白嘅飽腹感比其他蛋白更强

多食大豆蛋白能夠幫助控制食慾

大豆蛋白仲可以減少脂肪嘅合成

尤其係腰腹部嘅脂肪堆積！

同時能夠降低血糖

幫助預防肥胖

4減卡路里，唔減重要元素

減肥人士減卡路里時

有好多重要元素

可能攝取不足

第一係維他命B群

同維他命C

可以轉化碳水化合物同脂肪

成為能量供身體燃燒

維他命C仲可以令皮膚保持彈性同光澤

第二係礦物質

鈣質有助抑制食慾

同時避免骨質流失

而鐵質有助防止貧血

第三係纖維

纖維有助腸道菌群嘅平衡

減少糖、脂肪同膽固醇嘅吸收

所以減肥唔減纖維！

每日至少要攝取25克嘅纖維

第四就係抗氧化物

運動時身體會產生

一定量嘅自由基

而自由基會造成身體傷害

所以運動後

記住一定要攝取

富含抗氧化物嘅蔬果

或抗氧化物嘅補充品呀！

5改善日常行為

其實減肥唔難

可以從改善日常行爲做起

選擇食材時

唔好喺肚餓嘅狀態去購買

因為會更容易買高脂高熱量嘅食物

唔好一次過買太多

或者存放太多嘅食物

準備食物時

盡量用蒸同煮

少用炸煎方式

要知道

一個油煎雞蛋嘅熱量

比一個烚雞蛋高出30%

食飯時

放慢進食嘅速度

讓大腦有足夠嘅時間

發出食飽嘅信號

減肥真係好多注意事項

希望今日總結嘅五個理念

幫到大家早日實現減肥大計！

如想了解更多健康資訊

您亦可以到康寶萊的

Facebook: Fit Online易瘦Body

及

咨詢您的介紹人或健康教練

資料來源：

陳振宇教授

Herbalife Nutrition營養咨詢委員會成員

香港中文大學生命科學學院食品與營養科學系講座教授

香港特區政府食物安全中心食物安全專家委員會主席

＃增加身體靈活度與關節活動範圍

＃改善水腫體質

＃舒緩女性經痛症狀

＃改善姿勢

＃減緩肌肉痠痛或腰痛

＃促進血液循環

＃提高新陳代謝

＃緩解壓力

＃灣仔 #沙田 ＃石門 ＃Trx #彈床 ＃瑜伽

#運動 #減肥 #減脂 #增肌減脂  ＃泰拳

#瘦身 #伸展 #伸展班 #興趣班 ＃親子

#修身 #拉筋 #減壓